Fréttir

Forsala vetrarkorta hefst 20. nóv og stendur til 3. des. Kortin verða til sölu í Aðalbakaríinu og einnig er hægt að leggja inn á reikning  348-26-1254 kt 640908-0680 og senda kvittun í tp skard@simnet.is Kort fullorðins 18 ára og eldri kr 18.000.- Kort barna        9-17 ára        kr  7.000.- Kort barna 8 ára og yngri       kr  1.000.-  eingöngu hart kort Kort framhaldsskólanema       kr 11.000.- Kort háskólanema                  kr 11.000.- Munið eftir hörðu kortunum við fyllum á þau í Skarðsdalnum Stefnum á að opna á morgun kl 12-15 Starfsmenn

Nýr snjótroðari tekinn í notkun í dag. Hann er af gerðinni Pisten Bully 600 m/spili og eru við nú með tvo troðra á svæðinu 600 PB og 300 PB m/spili svo að vonandi verða brekkurnar en betri. Nýjar fréttir á morgun

       Opnum mögulega 1 lyftu næsta laugardag frá kl 11-15.                               !!frítt fyrir alla!!                       Skíði-þotur-bretti-sleðar, allir velkomnir                                                            Fylgist með okkur hér og á facebook

Skíðasvæðið verður opnað 1. desember. !!!!Það verður ofurtilboð á vetrarkortum frá 20. nóv til 3. des.!!!! Fylgist með í næstu viku!!!!!! Fjallamenn

Skíðasvæðið opnar 1. desember. Engin hækkun á lyftumiðum og vetrarkortum, sama verð og á síðasta timabili. Vetrarkort barna 9-17 ára kr 10.000.- 18 ára og eldri kr 25.000.- Framhalds og háskólakort kr 15.000.- Tilboð verð á vetrarkortum í nóvember, auglýst síðar.  Framkvæmdir eru hafnar við nýjan veg 1200 metra langan og verða gerð stór og góð bílastæði og vonandi á næsta ári rís nýr skáli,  neðstalyftan  mun færast og liggja frá nýjum skála og upp á Súlur og vonandi kemur töfrateppi í fjallið  sem verður einnig út frá nýjum skála og má nú segja að miklar framkvæmdir séu hafnar til hins betra fyrir alla gesti. Sjáumst hress í Skarðsdalnum

Takk fyrir veturinn skíðagestir góðir, en aðsókn í vetur var um 7000 manns sem er um 2800 færra en í fyrra, enda var veturinn upp og niður. Þess má geta að við vorum númer 3 í röðinni á eftir Bláfjöllum og Hlíðarfjalli með aðsókn.  Það má bæta við að mikill fjöldi fjallaskíðafólks kom inn á svæðið, sennilega um 500-700 manns og 90% erlendir gestir, enda er dalurinn rómaður af fjallaskíðafólki og nefnir fólk aðgengi sé gott og fjölbreytni í brekkum mjög mikið. Opnunar dagar voru 79 í vetur á móti 100 dögum í fyrra. Skíðasvæðið opnar 1. desember en þá verður hvíta gullið komið um allt fjall segir spákona mér. Hafið það gott í sumar.

Fjallaskíðamótið Super Tröll Ski Race fer fram á morgun og er start kl 12:00, startið fer  fram í Skútudalnum og er gengið þar upp og bakvið Hólshyrnu, fram hjá Hólskarði og eftir Blekkilsbrúum, norður Blekkil, yfir Selskál og uppá suður Súlubrúnir, síðan fram Súlufjall og niður Súlubrekku að Grashólaböllum á T-lyftusvæði og endar við Skíðaskálan á svæðinu sem allir tala um. Sjáumst hress á morgun

Á laugardaginn 13. maí fer fram Fjallaskíðamótið Super Tröll og fyrirhugað var að slútta vetrinum með Skarðsrennslinu. Það verður að aflýsa Skarðsrennslinu þetta vorið vegna snjóleysis. Skíðasvæðið opnar aftur 1. desember og þá sjáumst við hress. Það koma nýjar fréttir laugardaginn 13. maí kl 10:00 í tengslum við Fjallaskíðamótið. Starfsmenn

Það er að frétta af skíðasvæðinu í dag að veðrið er mjög leiðinlegt ANA 15-20m/sek og 25-35 m/sek í hviðum, en það hefur ekki snjóað mikið til fjalla enn þá. Veðurspá í dag, morgun og á föstudaginn er nokkuð hvöss og mögulega snjókoma af og til. Stefnum á að vera með opið ef aðstæður leyfa laugardaginn 13. maí og sunnudaginn 14. maí. Það koma nýjar fréttir á föstudaginn kl 10:00 Starfsmenn   

Það sem er að frétta af skíðasvæðinu hér í Skarðsdalnum að það verður lokað um helgina 6-7. maí vegna snjóleysis og það verður að segjast eins og er að þessi vetur er sennilega að renna sitt skeið, hér er búið að vera 20 stiga hiti og hnjúkaþeyr síðan við lokuðum eftir síðust helgi. Tökum stöðuna seinni partinn í næstu viku með opnun 12-14. maí Sumarkveðjur frá starfsmönnum