Kl 12:00 opið í dag frá kl 12-16. Sjá veðrið hér til hægri á síðu Veðurstöð.

Kl 10:00 Opnun seinkað um klst til kl 12-16, það er mjög dimmt snjóél að ganga yfir núna.

Skíðasvæðið er opið í dag frá kl 11-16, veðrið kl 09:00 SV 4-8m/sek, frost 3 stig, éljagangur og alskýjað, færið er mjög gott fyrir alla nýr snjór í brautum.

Veðurspá dagsins:

Suðvestan 5-10 m/s, en hægari norðlæg átt í kvöld. Lítilsháttar él. Suðaustan 8-15 eftir hádegi á morgun og dálítil snjókoma eða jafnvel slydda. Frost 2 til 8 stig, en hlýnandi á morgun.
Spá gerð: 17.12.2011 06:38. Gildir til: 18.12.2011 18:00.

Velkomin í fjallið starfsmenn

Fróðleiksmoli dagsins:

Úr Siglufjarðarbyggðum

BÆKUR Sagnfræði SIGLFIRSKUR ANNÁLL

Þ. Ragnar Jónasson tók saman. Vaka-Helgafell, 1998, 317 bls. ÞETTA er þriðja rit sama höfundar á jafnmörgum árum um Siglufjarðarbyggðir. Árið 1996 kom út bókin Siglfirskar þjóðsögur og sagnir og á síðasta ári Siglfirskir söguþættir. Nú er það annáll, allt frá landnámsöld og til þessa árs.

Úr Siglufjarðarbyggðum

BÆKUR

Sagnfræði

SIGLFIRSKUR ANNÁLL

Þ. Ragnar Jónasson tók saman. Vaka-Helgafell, 1998, 317 bls.

ÞETTA er þriðja rit sama höfundar á jafnmörgum árum um Siglufjarðarbyggðir. Árið 1996 kom út bókin Siglfirskar þjóðsögur og sagnir og á síðasta ári Siglfirskir söguþættir. Nú er það annáll, allt frá landnámsöld og til þessa árs. Ekki getur það dulist neinum að á bak við verk sem þetta hlýtur að liggja áratuga langt grúsk í heimildum og kerfisbundin söfnun.

Frameftir öldum er raunar fátt að frétta af "þessum afskekktu útkjálkadölum", eins og það eitt sinn var orðað. Það eru helst frásagnir af slysförum, en þær voru æði margar. Þessir miklu sægarpar við ysta haf þurftu að greiða háan toll af lífsbaráttu sinni. Og þá voru snjóflóðin frek á mannslíf og mannvirki. Þá komu einnig til sögunnar margvísleg afskipti kirkjunnar - eða öllu heldur Hólabiskupa - sem hvarvetna seildust til yfirráða þar sem einhverja matarholu var að fá eða viðareka af sjó. Mér virðist höfundur tíunda þetta allt vandlega eftir því sem heimildir hrökkva til. Þegar nær dregur nútímanum verða heimildir að sjálfsögðu mun fleiri og að lokum má segja að mestur vandinn sé að velja og hafna. Siglufjörður verður á tímabili miðpunktur athafnalífs á Íslandi og þar gerast því margir hlutir. Þá má vera að sumum sem vel þekkja til finnist eitthvað verða útundan, þó að utanhéraðsmaður sjái það ekki. En ég fæ þó ekki betur séð en alls jafnvægis sé gætt.

Annáll þessi skiptist í allmarga kafla. Sá fyrsti nær yfir tímabilið 874-1550 og er aðeins fimm blaðsíður. Síðan kemur kafli um tímabilið 1551-1700 og er hann örlítið lengri eða átta bls. Svo fara kaflarnir að lengjast jafnt og þétt og styttri tímabil tekin fyrir í hverjum kafla, 1701-1800, 14 bls., 1801-1850, 16 bls., 1851-1900, 31 bls., 1901- 1910, 9 bls., 1911-1920, 19 bls., 1921-1930, 20 bls., 1931-1940, 41 bls., 1941-1950, 20 bls., 1951- 1960, 14 bls., 1961-1970, 25 bls., 1971-1980, 19 bls., 1981-1990, 16 bls., og loks 1991-1998, 20 bls. Það er því rúmlega helmingur bókarinnar sem fjallar um tuttugustu öldina eina og er það að vonum.

Í bókarlok er allmikil heimildaskrá eins og ætla má, Nafnaskrá, Staðanöfn og að lokum er skrá yfir helstu atburði og atriði, flokkuð eftir efnissviðum. Er að því gott hagræði.

Höfundurinn hefur með þessum ritum sínum bætt drjúgum við sagnaritun heimabyggðar sinnar, sem menn mega vissulega vera honum þakklátir fyrir.

Eins og fyrri bækur þessa ritsafns er þessi bók einkar fallega útgefin og öllum þeim til mikils sóma sem að henni standa.

Sigurjón Björnsson

Þ. Ragnar

Jónasson