Allt að gerast
Nú þegar haustið er komið kemur að því að skíðasvæðið í Skarðsdal opnar og er stefnt á að opna fyrstu daganna í nóvember og vera með opið til loka apríl á næsta ári. Jarðvegsvinna stendur yfir á öllu svæðinu og er lokið við vinnu á Búngusvæði þar sem lyftusporið var lagfært og grjóthreinsun og á T-svæðinu var lyftuspor lagfært en jarðvegsvinna stendur nú yfir á Neðstasvæðinu og í framhaldinu verður unnið við uppsetningu á snjógirðingum og nú er vonandi að við þurfum ekki eins mikinn snjó til að starta svæðinu.
Valló ehf sem rekur skíðasvæðið í Skarsdal á Siglufirði hefur tekið þá ákvörðun að bjóða öllum grunnskólabörnum í 1 og 2 bekk frítt í lyftur í vetur og öðrum grunnskólabörnum í Fjallabyggð Vetrarkort á kr. 3.000.- og öllum framhaldsskólakrökkum í Menntaskóla Tröllaskaga og öðrum krökkum frá Fjallabyggð sem eru í framhaldsskólum Vetrarkort á kr. 5.000.-
Vetrarkort gilda frá opnun að hausti 2010 til vors 2011.
Rekstraaðili skíðasvæðisins gerir ráð fyrir því mörg börn í Fjallabyggð nýti sér þetta tilboð og nýti svæðið sér til skemmtunar og yndisauka og að sjálfsögðu skíðafélögin bæði til æfinga og keppni á komandi vetri og verður gaman að sjá þegar krakkar bæði úr austurbænum og vesturbænum koma í Skarðsdalinn, svona til gamans var svæðið opið í 100 daga og gestir rúmlega 10 þúsund á síðasta vetri og er spennandi að sjá hvað Héðinsfjarðargöng gera fyrir svæðið, nú þegar eru hópar búnir að boða koma sína á komandi vetri. Sjáumst hress í vetur.
Heimasíða svæðisins er: skard.fjallabyggd.is
Egill Rögnvaldsson umsjónarmaður.